Дэлхийн тэрбумтан хүмүүс зоогондоо юу иддэг бол. Үнэтэй ресторан, үнэтэй хоол тэдний сонголтын номер нэг хэрэглээ мөн үү. Тэд юу идэж байдгийг мэдээрэй. Хүн баян болж болох ч хэрэглээ нь тэр чинээгээрээ үнэтэй болох албагүй юм.
- “VIRGIN” группын ерөнхий захирал Ричард Брансон өдөрт 20 аяга цай уудаг. Тэрээр цайг нэн түрүүнд тавьдаг. Хаана ч орсон, хаана ч явсан цай л уухыг зорьдог. Түүний амьдралыг Англи цайгүйгээр төсөөлөх аргагүй. Тэр бол үнэхээрийн цайсаг хүн.
- “Amazon” компанийн үүсгэн байгуулагч, ерөнхий захирал Жефф Безос өөрийгөө эрүүл хооллохыг хичээдэг. Гэхдээ тэрээр хэдхэн төрлийн хүнсийг байнга хэрэглэдэг. Үүнд төмс, гахайн мах, ногоон сармистай тараг, чанасан өндөгтэй наймаалж л иддэг.
- “Microsoft” компанийн үүсгэн байгуулагч Билл Гейтс өдөрт 3-аас 4 лааз калоргүй кола уудаг байна. Кола түүнд эрч хүч авчирдаг, сэргээгч ундаа болдог ажээ.
- “Apple” компанийн үүсгэн байгуулагч Стив Жобс бол цагаан хоолтон. Тэр багаасаа л жимс, ногоо, үр, тариа хэрэглэж ирсэн. Тэрээр хэдхэн хүнсийг л хоолондоо байнга хэрэглэдэг бөгөөд хэзээ ч түүнээсээ уйдаж байгаагүй.
- “Facebooк”-ын үүсгэн байгуулагч Марк Цукерберг ямаа, гахай, тахиа, хавч идэх дуртай. Хамгийн сонирхолтой нь тэрээр үргэлж өөрөө хоол хийж иддэг.
