Урлаг соёлын оддын загварын мэдрэмж, хөрөнгө чинээгээ гайхуулж, этгээд загвартай хувцсаар өөрсдийгөө гоёж өнгөрөөдөг “Met Gala” цэнгүүн болж өнгөрлөө.
Цэнгээний газраас дэлхийн тавцанд гарч ирсэн реппер Карди Би ягаан хивсийг шувууны өдөөр чимэглэсэн хүрэн өнгийн урт даашинзаар бүхэлд бүрхэх шахаж, биеийн галбираа тодотгосон даашинзаар гоёсон байв.
Өсгийтэй гутлыг анх эрчүүдэд зориулж зохион бүтээсэн ч байж магадгүй. Өсгийтэй гутал, урт ээмэг, хумсаа будсан залуучууд дүүрчээ. Ер нь гоё сайхан бүгдийг эмэгтэй хүн хэрэглээд байвал муухай биз дээ. Олон охидын дурлалт залуу “One Direction” хамтлагийн дуучин Харри Стайлс яахын аргагүй энэ удаагийн цэнгүүний ханхүү байж чадлаа.
Ким Кардашиан уламжлал ёсоор биеийн галбирыг гайхуулж явна. Энэ удаад тэрбээр нөхөр Кени Уестийн хамт хүрэлцэн ирсэн байна.
Оскарын шагналт дуучин, жүжигчин Леди Гага бараг нүцгэн гэмээр хувцас өмссөн байна. Тэр цэнгүүнд дээр хэд хэдэн удаа хувцсаа солиод амжсан бөгөөд дотуур хувцастайгаа ч зургаа авхуулсан гэнэ.
Кети Перри өөрийн “Moschino” брендийн даашинзыг лаагаар тойруулан гоёмсог гэрлэн бүрхүүл мэт харагдахыг зорьсон байна.
