АНУ-ын баруун умард хэсэгт орших Орегон мужийн Бивертон хотод нэгэн сонирхолтой явдал болжээ. Тус хотын цагдаагийн газрынхан тун ч өвөрмөц ажиллагаанд оролцсон ажилтнуудынхаа бие дэх хяналтын камерын бичлэгүүдийг ил болгосон аж. Хэд хоногийн өмнө 911 рүү хэн нэгэн утасдаад айлын орон байр луу хаалгыг нь эвдэж хулгай орсон гэсэн мэдээлэл өгчээ.
Галт зэвсгээр өвч зэвсэглэсэн хэд хэдэн цагдаа албаны нохойгоо дагуулан сүртэй гэгч нь явж очоод хулгайч орсон гээд буй байшин руу дайралт хийн нэвтэрчээ. Орон гэрт нэгжлэг хийтэл гэмт хэрэгтний оронд гэр цэвэрлэдэг автомат робот байсан гэнэ. Тус айлын хөрш зэргэлдээх айлд нь хулгайч орсон гэж бодоод цагдаад дуудлага өгсөн нь тэр байжээ.
