Холливүүдийн алдарт од, Калифорниа мужийн захирагч асан Арнольд Шварцнеггер түүнийг араас нь өшиглөсөн байна. Тодруулбал Өмнөд Африкын Иоханесбург хотод болсон спортын наадмыг алдарт жүжигчин маань үзэж байжээ. Цугларсан хүмүүсийн дундаас нэгэн хүн гэнэт нэг этгээд үсэрч тийрсэн байна.
Жүжигчин тэнцвэр алдаж, халдагч этгээдийг хамгаалагчид барьжээ. Дараа нь Шварцнеггер твиттер хуудсандаа “Санаа тавьсан хүмүүст баярлалаа. Сүйдтэй зүйл болоогүй. Би зүгээр л шахалдсан хүмүүс араас түлхлээ гэж бодсон. Харин хүн намайг тийрсэн гэдгийг та нартай адилхан видео бичлэгээс үзэж мэдлээ. Миний Снэпчат бичлэгийг нэг тэнэг этгээд тасалдуулаагүйд л би баярлаж байна” гэж бичсэн байна.
